اللهم صل وسلم على # سيدنا ومو لانا محمد
عددما في علم الله صلاة # دائمة بدوام ملك الله
Poro hadirin ingkang kawulo hormati
Monggo kito samiyo memperingati
Meniko wulan maulud ingkang suci
Wulan kelahiran Gusti Kanjeng Nabi
Tanggal kaping rolas isnain dinane
Ono Robiul Awal iku wulane
Ngadhepne metu fajar shubuh wektune
Gusti Nabi Muhammad dilahirake
Asmo ramane iku Sayyid Abdulloh
Asmo ibune iku Siti Aminah
Dilahirake ono ing tanah Makkah
Nuli hijrohe ono tanah Madinah
Gusti Nabi Muhammad peminpin umat
Nabi ingkang badhe paring syafaat
Ora pandang sugeh ora pandang mlarat
Ono ing dunyo lan ono ing akherat
Gusti Nabi Muhammad nabi akhir zaman
Utusane Alloh maring poro insan
Supoyo nyampurnakke akhlaq lan iman
Nuduhake marang dalan kebenaran
Wes kesebut ing hadiste Gusti Nabi
Sopo wonge seng gelem nemen-nemeni
Ono ing dino lahire Gusti Nabi
Besok dini qiamat den syafaati
Mulo poro dulur kito ojo lali
Poro ulama iku warisan Nabi
Ugo hadist lan Alqur-an ingkang suci
Kito kabeh kudu sregep melajari
Cekap semanten atur saking kawulo
Sedoyo kelepatan nyuwun ngapuro
Mugi Alloh paring ilmu dhateng kito
Ingkang maslahah barokah lan berguno
Syaikhina K.H.'Abdul Mu'thi
Pengasuh Pondok Pesantren Annajach
Koripan Dawung Magelang
0 komentar:
Posting Komentar